This World's Joy
13th Century
WYNTER wakeneth al my care,
Nou this leves waxeth bare;
Ofte I sike ant mourne sare
When hit cometh in my thoht
Of this worldes joie, hou hit goth al to noht.
Nou hit is, and nou hit nys,
Al so hit ner nere, ywys;
That moni mon seith, soth hit ys:
Al goth bote Godes wille:
Alle we shule deye, thah us like ylle.
Al that gren me graueth grene,
Nou hit faleweth albydene:
Jesu, help that hit be sene
Ant shild us from helle!
For y not whider y shal, ne hou longe her duelle.
DayPoems Poem No. 8
<a href="http://www.daypoems.net/poems/8.html">This World's Joy by Anonymous</a>
The DayPoems Poetry Collection, www.daypoems.net
Timothy Bovee, editor
Poets Poems