Bonnie Lizzie Baillie
18th Century
Child Ballad 227
My bonnie Lizzie Baillie,
I'll row ye in my plaidie;
And ye maun gang awa wi' me,
And be a Highland lady,
My bonnie Lizzie Baillie.
I'm sure they wouldna ca me wise,
Gin I would gang wi' you sir,
For I can neither card nor spin,
Nor yet milk ewe or cow, sir,
Said Bonnie Lizzie Baillie.
My Bonnie Lizzie Baillie,
Let nane o' these things daunt ye;
Ye'll hae nae need to card or spin,
Your mither weel can want ye,
My Bonnie Lizzie Baillie.
Now she's cast off her bonnie shoon,
Made o' the gilded heather,
And she's put on her Highland brogues,
To skip amang the heather,
Has Bonnie Lizzie Baillie.
She wadna hae a Lawland laird,
Nor be an English lady;
But she wad gang wi' Duncan Graham,
And row her in his plaidie,
Wad Bonnie Lizzie Baillie.
DayPoems Poem No. 2538
<a href="http://www.daypoems.net/poems/2538.html">Bonnie Lizzie Baillie by Anonymous</a>
The DayPoems Poetry Collection, www.daypoems.net
Timothy Bovee, editor
Poets Poems